Full Package

All-In

Eng hyperkomplett Planifikatioun vun Ärer Ariichtung geet Iech net duer: Dir denkt och drun, eis de Suivi vun den Ariichtungsaarbechten unzevertrauen? Dann ass eise Package All-In fir Iech gemaach. En ëmfaasst sämtlech Servicer, vun der Konzeptioun an dem Planning bis zum Iwwerreeche vun de Schlësselen.

De Package All-In ëmfaasst:

• En éischte Rendez-vous mat Iech. Hei schwätze mir iwwer Äre Projet, Dir presentéiert eis Är Iddien an zesummen ermëttele mir Är Wënsch a Besoinen.
• D'Ausmoosse vun Äre Banneraim: Entweeder deplacéieren eis Experte sech, fir d'Moossen ze huelen, oder, wann Dir dat léiwer hutt, bezéie si sech op den existente Bauplang, fir Är Raim ze vermoossen a sécherzestellen, datt all d'Dimensioune berücksichtegt ginn.
• D'Realisatioun vun 3D-Skizzen an -Zeechnungen: Nodeem all déi technesch Froe gekläert goufen, kënnt Dir Är zukünfteg Ariichtung mat detailléierten 3D-Skizzen an -Zeechnunge visualiséieren.
• De komplette Plang fir d'Elektresch: Op Wonsch erstelle mir e komplette Plang vum Elektresch, dee mir (oder Dir) dem Elektriker virleeë kënnen (kënnt).
• D'Beliichtung vun Äre Wunnraim: D'Luucht ass e feste Bestanddeel vun der Bannenarchitektur. Eng gutt duerchduecht Beliichtung setzt d'Wunnraim optimal an Zeen an ënnerstëtzt d'Harmonie vum Gesamtbild. 
• De Choix vun de Faarwen an dem Material: Beim Choix vun de Faarwen a vum Material muss een e gutt A fir d'Proportiounen an eng fachmännesch Hand fir eng harmonesch Zesummestellung hunn. Mir begleeden Iech dofir an d'Geschäfter, déi Dir Iech erausgesicht hutt, a stinn Iech zur Säit, fir Iech ze beroden.
• D'Plange vun der Miwweléierung: Mir hëllefen Iech, am Geschäft vun Ärem Choix Miwwelen auszesichen oder mir kënne Miwwelen op d'Mooss kreéieren. 
• De Suivi vun allen Ariichtungsaarbechten: Nodeems all dës Decisioune gemeinsam oder vun Iech eleng getraff goufen, kënne mir Iech och gäre beim Suivi vun den Aarbechte fir d'Ariichtung vun Ärem Projet begleeden. Mir leeën, no Récksprooch mat allen Intervenanten op Ärem Chantier, e Planning fir d'Aarbechte fest, fir datt Dir wësst, wien un Ärem Projet wéini bedeelegt ass. Dono kontrolléiere mir, ob d'Aarbechten alleguer korrekt an no Äre Wënsch realiséiert goufen.

Mam Package All-In garantéiere mir Iech en enke Suivi vun allen Aarbechten am Zesummenhang mat der Ariichtung vun Ärem Doheem: Mir definéieren a koordinéieren en Timing fir d'Aarbechten an halen Iech iwwer de Fortschrëtt vun den Aarbechten um Lafenden. Eis Rigueur an eis Zouverlässegkeet garantéieren, datt d'Bannenariichtung sech mat Äre Virstellungen deckt.