Basic-Package

Conceptual

Dir wëllt Iech bei Iech doheem esou wuel wéi méiglech fillen an Är Ariichtungsiddien ëmsetzen? Da profitéiert vun der cleverer Zesummestellung vun eisem Package Conceptual. Dëse Package enthält d'Realisatioun vun enger 3D-Duerstellung vun Ärer Bannenariichtung, déi all Raum no Ärem ganz spezifesche Stil gestalt an esou eng harmonesch a personaliséiert Ambiance schaaft.

De Package Conceptual ëmfaasst:

• En éischte Rendez-vous mat Iech: Hei schwätze mir iwwer Äre Projet, Dir presentéiert eis Är Iddien an zesummen ermëttele mir Är Wënsch a Besoinen. 
• D'Ausmoosse vun Äre Banneraim: Entweeder deplacéieren eis Experte sech, fir d'Moossen ze huelen, oder, wann Dir dat léiwer hutt, bezéie si sech op den existente Bauplang, fir Är Raim ze vermoossen a sécherzestellen, datt all d'Dimensioune berücksichtegt ginn.
• D'Realisatioun vun 3D-Skizzen an -Zeechnungen: Nodeem all déi technesch Froe gekläert goufen, kënnt Dir Är zukünfteg Ariichtung mat detailléierten 3D-Skizzen an -Zeechnunge visualiséieren. Sou kënnt Dir Iech alles besser virstellen an d'Detailer vun Ärem Projet, bei deem souwuel déi ästheetesch wéi och déi wirtschaftlech Aspekter mat abezu ginn, finaliséieren.

Eis Ekipp vun Innenarchitekte geet mat hirem Know-how a mat engem oppenen Ouer op Är Erwaardungen a Bedenken an. Mir siche permanent no innovative Léisungen, fir d'Gestaltung vun Ärem Interieur ze modeliséieren an dobäi all déi verschidden Aspekter mat anzebannen: ästheetesch, praktesch a finanziell. Eist Zil ass et, e realiséierbaren a confortabele Raum ze schafen, dee perfekt zu Ärem zukünftegen Alldag passe wäert.