Intermediate Package

Custom-Made

Dir sidd op der Sich no engem Service, deen iwwer déi allgemeng Ariichtung erausgeet an all Aspekter vum Bannendesign ëmfaasst?

De Package Custom-Made riicht sech un all déijéineg, déi sech eng ëmfaassend Begleedung bei hirem Projet wënschen. Nieft de Servicer, déi am Package Conceptual enthale sinn, gesäit dëse Package clever Léisunge fir Är elektresch Uschlëss, eng harmonesch Beliichtung, Berodung bei der Auswiel vun de Faarwen an dem Material vun der Raumatmosphär a Begleedung beim Choix vun Äre Miwwele vir.

De Package Custom-Made ëmfaasst:

• En éischte Rendez-vous mat Iech. Hei schwätze mir iwwer Äre Projet, Dir presentéiert eis Är Iddien an zesummen ermëttele mir Är Wënsch a Besoinen.
• D'Ausmoosse vun Äre Banneraim: Entweeder deplacéieren eis Experte sech, fir d'Moossen ze huelen, oder, wann Dir dat léiwer hutt, bezéie si sech op den existente Bauplang, fir Är Raim ze vermoossen a sécherzestellen, datt all d'Dimensioune berücksichtegt ginn.
• D'Realisatioun vun 3D-Skizzen an -Zeechnungen: Nodeem all déi technesch Froe gekläert goufen, kënnt Dir Är zukünfteg Ariichtung mat detailléierten 3D-Skizzen an -Zeechnunge visualiséieren.
• De komplette Plang fir d'Elektresch: Op Wonsch erstelle mir e komplette Plang vum Elektresch, dee mir (oder Dir) dem Elektriker virleeë kënnen (kënnt).
• D'Beliichtung vun Äre Wunnraim: D'Luucht ass e feste Bestanddeel vun der Bannenarchitektur. Eng gutt duerchduecht Beliichtung setzt d'Wunnraim optimal an Zeen an ënnerstëtzt d'Harmonie vum Gesamtbild. Mir kënne fir Iech e komplett Konzept fir d'Beliichtung erstellen - vun der dräidimensionaler Zeechnung bis zu der Selektioun an dem Plange vun der Positioun vun Ären neie Luuchten.
• De Choix vun de Faarwen an de Materialien: Eng schéi Bannenariichtung an d'Gesamtambiance hänke vum Choix vun enger Rei vun Elementer of, wéi zum Beispill de Plättercher, dem Holzbuedem, de Miwwelen, de Faarwen asw. Beim Choix vun de Faarwen an dem Material muss een e gutt A fir d'Proportiounen an eng fachmännesch Hand fir eng harmonesch Zesummestellung hunn. Mir begleeden Iech dofir an d'Geschäfter, déi Dir Iech erausgesicht hutt, a stinn Iech zur Säit, fir Iech ze beroden.
• D'Plange vun der Miwweléierung Ob puristesch Eleganz oder romantesche Landhausstil, mir leeën ëmmer vill Wäert op d'Qualitéit vun alle Materialer, déi mir benotzen. Mir kënnen Iech hëllefen, am Geschäft vun Ärem Choix Miwwelen auszesichen oder mir kënne Miwwelen op d'Mooss kreéieren. Dank eiser gudder Zesummenaarbecht mat verschiddene regionale Betriber si mir an der Lag, Iech Miwwelen op d'Mooss zu attraktive Präisser ubidden ze kënnen.

Mam Package Custom Made garantéiere mir Iech eng ultrakomplett Ariichtung, déi perfekt Ärem Goût, Ärer Perséinlechkeet an Ärem Budget entsprécht.